Алдарт эхийн одонгийн мөнгө хоёр дахин нэмэгдэх нь Алдарт эхийн одонгийн мөнгө хоёр дахин нэмэгдэх нь
Сонгууль 2024 7 хоногийн тойм -22°C 2639.86 ₮
06 сарын 24, Даваа
Өнөөдөр

Arslan.mn

Алдарт эхийн одонгийн мөнгө хоёр дахин нэмэгдэх нь

2024 оны 5 сарын 20

Arslan.mn

Жил бүр Эх үрсийн баярыг тохиолдуулан Ерөнхийлөгч зарлиг гаргаж, дөрөв буюу түүнээс дээш хүүхэд төрүүлэн өсгөж буй ээжүүдэд Алдарт эхийн нэг, хоёрдугаар зэргийн одон гардуулдаг. Энэ жилийн одон гардуулах ёслол өнөөдөр эхэлсэн юм.

Ерөнхийлөгч У.Хүрэлсүх ээжүүдэд Алдарт эхийн одонг нь гардуулах үеэрээ хэлсэн үгэндээ Ерөнхийлөгчийн санаачилгаар Алдарт эхийн одонг дагалддаг мөнгөн урамшууллыг хоёр дахин нэмэгдүүлэхээр Засгийн газраас ажиллаж байгаа хэмээн онцлов.

Олон хүүхэд төрүүлж өсгөсөн эхийг урамшуулах тухай хуулиар өнөөдөр одонтой ээжүүдэд жилдээ нэг удаа 100 мянган төгрөгийн урамшуулал олгодог. Энэ жил улсын хэмжээнд 11,294 ээж Алдарт эхийн нэг, хоёрдугаар одон хүртэж байгаа юм. Энэ нь өмнөх оноос 526-аар өссөн бол одонгоо гардаж байгаа алдарт эхчүүдийн олонх нь 34-38 настай байна.

Түүнчлэн Ерөнхийлөгч У.Хүрэлсүх хэлсэн үгэндээ, монгол төрөөс “Хүүхдийн мөнгө” олгож буй нь нийгмийн халамж бус, хүн амаа өсгөх, эх үрсээ дэмжиж байгаа төрийн бодлогын бодит илэрхийлэл гэдгийг онцоллоо.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
1
657055
2 эможи

Зочин
2024-05-20 20:11
Ажилгүй халамжийн хүмүүс болжээ новш
keyboard_arrow_up