Arslan.mn

Монгол ардын намын Бага хурал Тусгаар тогтнолын ордонд өнөөдөр эхэллээ. Бага хурал эхэлж, хурлыг нээж намын дарга Н. Учрал илтгэл тавилаа.

Энэ үеэр  Д.Амарбаясгалан, Х.Булгантуяа, Н.Тавинбэх, А.Амундранарыг намын дүрмийн дагуу намаас чөлөөлөх шийдвэр гаргасан талаар мэдээллээ.

Тэрбээр "УИХ-ын гишүүн Д.Амарбаясгалан, Эрчим хүчний сайд асан Н.Тавинбэх, УИХ-ын гишүүн Х.Булгантуяа, Бага хурлын гишүүн асан А.Амундра нарыг Монгол Ардын намын гишүүнээс чөлөөлөх нь зүйтэй гэж үзэж байна. Шүүхээр гэм буруутай эсэхээ тогтоолгосны дараа МАН-ын гишүүнчлэлээ сэргээлгэх эрх нь нээлттэйг энэ ташрамд сануулъя" гэв.