Arslan.mn

Төрийн албан хаагчдын хууль бусаар олсон хөрөнгийг хурааж, хэмжээ нь 100 сая төгрөгөөс дээш бол бүх насаар нь хорих зохицуулалт бий болгох тухай нийтийн өргөдлийг 100,206 иргэн дэмжжээ.

Иргэн Б.Болдбаатарын санаачилсан уг өргөдөлд аравдугаар сарын 9-нөөс арваннэгдүгээр сарын 8-ныг хүртэл санал авсан бөгөөд УИХ-ын Нийтийн өргөдлийн системд “Дэмжигчдийн тоо хүрсэн” төлөвт шилжсэн байна.

Өргөдөл санаачлагч хууль бус хөрөнгийг хураан улсын хохирлыг барагдуулах, авлига, албан тушаалын гэмт хэрэг давтагдахаас сэргийлэх зорилгоор хариуцлагыг чангатгах санал гаргажээ.