Arslan.mn

УИХ-ын гишүүн, Боловсролын сайд Л.Энх-Амгалан төсвийн тодотгол болон цаг үеийн бусад асуудлаар мэдээлэл өгч байна.

Тэрбээр "Намайг Монгол төрийн түгжил гэж ярьж байна. Тэгвэл би өнөөдөр түгжлүүдийг зарлая. Ерөнхий сайдтай холбоотой “эксел“ файл задруулсан ТЭР ТҮГЖИЛМАА бол УИХ-ын гишүүн А.Ариунзаяа нарын бүлэглэл юм. 

Монгол төрийн "түгжилмаа" бол А.Ариунзаяагийн бэр О.Саранчулуун. Батлагдаагүй төсөв дээр байгаа зардлыг сугалж гаргаж ирж улстөрийн зорилготой төрийн хуйвалдаан хийхээр оролдож байгаад харамсаж байна.

Энэ хүмүүс барьцаалагдсан байна. Явуургүй үйлдлүүд нь сэтгэл зовоож байна. " гэв.

Тэрбээр "Энэ онд хувийн сургуулийн сул орон зайг ашиглах 2.4 тэрбум төгрөг төсөвлөсөн. Энэ нь "Гэрт ойрхон сургууль" төслийг хэрэгжүүлэх төсөв юм. Гэтэл хувийн сургуульд 3.6 тэрбум төгрөг төсөвлөсөн гэж гүтгэж байна. Улсын төсвийг өргөн барьсан төсөлд "Нэр бүхий хувийн сургуулийг санхүүжүүлж буй төсөл нэг ширхэг ч байхгүй" гэлээ.