Arslan.mn

УИХ-ын гишүүн Ж.Чинбүрэн, А.Ариунзаяа, Ж.Алдаржавхлан, Н.Батсүмбэрэл нарын хамтран санаачилсан “Эрхтэн, эд, эс шилжүүлэн суулгах тухай” хуулийн төслийг Улсын Их Хурал эцэслэн баталлаа.

Энэ талаар УИХ-ын гишүүн Н.Батсүмбэрэл "Энэхүү хууль нь эрхтэн шилжүүлэн суулгах тогтолцоог олон улсын жишигт нийцүүлж, донор, реципиентийн эрх ашгийг хамгаалах, ил тод, хариуцлагатай тогтолцоог бүрдүүлэх чухал ач холбогдолтой юм.

Мөн амь нас аврах эмчилгээ, тусламжийг эх орондоо хүртээмжтэй авах боломжийг өргөжүүлж, олон гэр бүлд шинэ итгэл, шинэ боломж авчирна гэдэгт итгэлтэй байна.

Хуулийн төслийг дэмжиж ажилласан Улсын Их Хурлын гишүүддээ баярлалаа" гэв.