Arslan.mn

Ерөнхийлөгчийн санаачилсан УИХ-ын гишүүнийг эгүүлэн татах хуулийн төслийн хэлэлцэх эсэхийг УИХ-д Төрийн байгуулалтын байнгын хорооны хуралдаанаар хэлэлцээд, хуралдаанд оролцсон 21 гишүүний 14 нь буюу 66.7 хувийн саналаар дэмжигдсэн.

Харин “УИХ-ын гишүүнийг эгүүлэн татах” хуулийг эсэргүүцсэн гишүүд олны анхаарлыг татаж буй. Тухайлбал, уг хуулийн төслийг дэмжихгүй гэж санал өгсөн 7 гишүүний нэг бол  УИХ-ын дарга асан Р.Гончигдоржийн охин Г.Уянгахишиг.

Түүний хувьд ХБНГУ-д суралцахаар БЗС-гаас 6,584 ам.долларын зээл авсан байдаг. Харин үүнийг нь 2013 оны "Зарим хүмүүсийн гэрээний биелэлтийг тооцон дуусгавар болгох тухай" БСШУ-ны сайдын А185 тоот тушаалын дагуу чөлөөлжээ. Тухайн үед БСШУ-ны сайдаар Л.Гантөмөр ажиллаж байсан бөгөөд Р.Уянгахишигийн хувьд Хууль зүйн Цэц товчоонд зөвлөх, Шунхлай группт ажиллаж байжээ.

Тэгвэл “УИХ-ын гишүүнийг эгүүлэн татах” хуулийг эсэргүүцсэн  жагсаалтын гишүүн Г.Уянгахишигийн 2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮401 сая
Гэр бүлийн орлого: ₮49 сая
Хөрөнгө борлуулсны орлого: ₮0 сая
Орон сууц барилга байгууламж: ₮1 тэрбум  /Амины орон сууц-1/
Тээврийн хэрэгсэл: ₮27 сая  /Volkswagen, Tiguan  маркийн тээврийн хэрэгсэлтэй/
Мал аж ахуй: ₮0 сая
Газар: ₮500 сая /Эзэмших-813м2/
Үнэт эдлэл, урлаг, түүхийн үнэт зүйл: ₮29 сая
Хадгаламж: ₮0 сая 
Авлага: ₮0 сая
Зээл:  ₮195 сая сая гэж мэдүүлжээ.