Arslan.mn

МАН-ынхны шийдвэрээр УИХ-ын дарга Н.Учрал Монгол Улсын Ерөнхий сайдаар нэр дэвшиж байгаа учраас одоо МАН дотор спикерийн марафон эхэллээ. Үүний хажуугаар УИХ-ын гишүүд шинэ Засгийн газраас бүрэлдэхүүнд орох сонирхолтой бөгөөд сайдын суудал горилогчид чамгүй олон байна.

Эхнээсээ амбицаа дийлэхгүй, яараад эхэлжээ. Товчхондоо Төрийн ордоноор "хоёрдугаар ээлжийнхний хоолондоо орох улайрал" ил цагаандаа гарсан бололтой. Ялангуяа УИХ-д олон сонгогдсон гишүүдийг зүүдлээд, орондоо орох завгүй яваа.

Сайдын суудал горилогчдын нэрс нь УИХ-ын гишүүн Ж.Энхбаяр, Т.Доржханд, Б.Жавхлан, Л.Энх-Амгалан, С.Бямбацогт, Д.Цогтбаатар, Г.Дамдинням, О.Номинчимэг гэхчлэн хөвөрч эхэлжээ. 

Тэгвэл cайдын суудал горилогч О.Номинчимэгийн 2024 онд АТГ-т шинэчлэн мэдүүлсэн ХОМ-ийг хүргэж байна.

Түүнийг “Рио Тинто”-гийн хувьцаа эзэмшигч, нөхөр нь “Оюутолгой”-н хуулийн хэлтсийн захирал гэдгээр олон хүн мэднэ. Энэ угшлаар нь О.Номинчимэгийг Рио Тинтогийн улс төр дэх нэг гар хөл гэх хардлага ч явдаг.  Түүний хувьд улс төрийн богинохон намтартай, УИХ-ын даргын зөвлөх байсан гэдгээс өөр зүйлгүй. 

О.Номинчимэг гишүүн болсноор орлого нь 57 сая төгрөгөөс 69 сая төгрөг болж өсөж, мөн хадгаламж нь 1,1 тэрбум төгрөгөөс 1,7 тэрбум болж НЭМЭГДЖЭЭ.

Тэрбээр мэдүүлэгтээ:

Өөрийн орлого: ₮69 сая
Гэр бүлийн орлого: ₮595 сая
Хөрөнгө борлуулсны орлого: ₮46 сая
Орон сууц барилга байгууламж: ₮2,8 тэрбум  /Орон сууц-3, Зуслангийн байшин-1 /
Тээврийн хэрэгсэл: ₮220 сая  /Lexus, 570, Tesla маркийн нийт хоёр тээврийн хэрэгсэлтэй/
Мал аж ахуй: ₮0 сая 
Газар: ₮3,5 сая /Эзэмших-536м2/
Үнэт эдлэл, урлаг, түүхийн үнэт зүйл: ₮90 сая
Хадгаламж: ₮1,7 тэрбум 
Авлага: ₮80 сая
Зээл:  ₮0 сая гэж мэдүүлжээ.