Arslan.mn

Парламентад иргэдийг хэн хэн төлөөлж байгааг бид цувралаар танилцуулж байгаа билээ. Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байгаа билээ.

Тэгвэл энэ удаа УИХ-д тухалсан  Б.Түвшин гишүүний   2024 онд АТГ-т шинэчлэн мэдүүлсэн ХОМ-ийг хүргэж байна.

Тэрээр, гишүүд дундаа Нийслэлийн төлөөлөгчөөр нэг удаа сууж үзсэнээс өөрөөр улс төрд мэдлэг туршлага багатай нэгэн ч  15,4 тэрбумын орон сууц үл хөдлөхтэй, 1 тэрбум төгрөгийн хоёр жийптэй,  7,6 тэрбумын авлагатайгаараа УИХ-ын гишүүдийн орлогын жагсаалтыг тэргүүлж буй.  

2003 оноос хойш П.Батсайханы “АПУ” ХК-ийн Санхүү эрхэлсэн захирлаар ажилласан, улмаар 2016 онд Хан-Уул дүүргийн НИТХ-ын төлөөлөгчөөр сонгогдож, мөн ондоо “Миг даатгал” ХХК-ийг эхнэртэйгээ хамтран эзэмшиж, өөрөө “Хаан даатгал” ХХК-ийг удирдаж байсан нэгэн.

Өмнө нь хэвлэлээр УИХ-ын гишүүн Б.Түвшингийн “Хаан даатгал” ХХК нь 2017 оноос хойш төрийн 114 тендерт шалгарсан гэх мэдээлэл гараад олны шүүмжлэлийг дагуулж байсан удаатай. Өнгөрөгч 2024 онд л гэхэд төрийн 34 тендерт шалгарсан гэдэг.

Тэрбээр мэдүүлэгтээ:

Өөрийн орлого: ₮2 тэрбум
Гэр бүлийн орлого: ₮715 сая
Хөрөнгө борлуулсны орлого: ₮12.2 тэрбум
Орон сууц барилга байгууламж: ₮15.4 тэрбум  /Орон сууц-2, Үйлчилгээний зориулалттай барилга-5, ффис зориулалттай барилга-1/
Тээврийн хэрэгсэл: ₮1 тэрбум  /Mercedes Benz, GLE 400, Lexus, LX 600 маркийн нийт 2 тээврийн хэрэгсэлтэй/
Мал аж ахуй:₮0 сая 
Газар:₮66 сая / Эзэмших-1000м2-1, Эзэмших-128м2-1, Эзэмших-500м2-1/
Үнэт эдлэл, урлаг, түүхийн үнэт зүйл:₮0 сая
Хадгаламж: ₮200 сая   Бэлэн мөнгө:₮ 804 сая
Авлага: ₮7,6 тэрбум
Зээл:  ₮4,2 тэрбум гэж мэдүүлжээ.

Ташрамд дурдахад, Б.Түвшин өнгөрөгч 2024 оны УИХ-ын сонгуулиас яг сарын өмнө өөрийн “Хаан даатгал” ХХК-ийг Ж.Баярсайхан гэгчид шилжүүлсэн. Учир нь, УИХ-ын гишүүн төрөөс тендер авдаг компанитай байж болохгүй хуультай.