Г.Занданшатар: Хуулийг өглөө нь өргөн бариад, өдөр нь байнгын хороогоор хэлэлцүүлж болохгүй Г.Занданшатар: Хуулийг өглөө нь өргөн бариад, өдөр нь байнгын хороогоор хэлэлцүүлж болохгүй
COVID-19 7 хоногийн тойм -22°C 2639.86 ₮
03 сарын 28, Пүрэв
Өнөөдөр

Arslan.mn

Г.Занданшатар: Хуулийг өглөө нь өргөн бариад, өдөр нь байнгын хороогоор хэлэлцүүлж болохгүй

2023 оны 4 сарын 06

Arslan.mn

УИХ-ын Сонгуулийн тухай хуулийн төслүүдийг ирэх 7 хоногт ТББХ-оор хэлэлцүүлэхээр хойшлууллаа. УИХ-ын дарга асуудлыг нухацтай авч үзэх ёстойг анхааруулаад “Хуулийг өглөө нь өргөн бариад, өдөр нь байнгын хороогоор хэлэлцүүлж болохгүй. Мөн гишүүд төсөлтэй танилцах боломж олгох үүднээс хойшлуулж, ирэх долоо хоногийн мягмар гарагт хэлэлцүүлж эхэлнэ” гэв.

УИХ-ын Сонгуулийн тухай хуульд нэмэлт, өөрчлөлт оруулах тухай хуулийн төслүүдийг УИХ-ын даргын захирамжаар байгуулагдсан Ажлын хэсэг болон УИХ дахь АН-ын бүлгээс тус тус өргөн бариад байгаа. Эдгээр төслүүдэд сонгуулийг хосолсон тогтолцоогоор явуулах замаар санал гээгддэг явдлыг арилгах, сонгуулийн зардлыг бууруулах, гадаад улс оронд ажиллаж амьдарч буй иргэдийг сонгуульд оролцуулах зэрэг асуудлууд тусаад байгаа юм.

Мөн УИХ-ын дарга Г.Занданшатар эрх бүхий хууль санаачлагч этгээдүүд цаашид нэн яаралтай горимоор хууль хэлэлцүүлэх асуудлыг тавихгүй байхыг дахин анхаарууллаа. УИХ-ын чуулганы дэгийн тухай хуульд ЗГ-аас нэн яаралтай горимоор оруулж ирсэн хуулийн төсөлд олон нийтийн хэлэлцүүлэг явуулах шаардлагагүй, хуулийн шаардлагыг биелүүлсэн эсэхийг ХЗДХ-ийн сайд хянан УИХ-д өргөн мэдүүлж, дараалал харгалзалгүйгээр хэлэлцэнэ гэх агуулга байдаг. Маргаан дагуулсан Олон нийтийн сүлжээнд хүний эрхийг хамгаалах тухай хууль ч уг заалтаар явж, хоригтой тулсан. Тэгвэл УИХ-ын дарга “Хоригоос хойш энэ хуулийн заалтыг хэрэглэхгүй. УИХ-ын гишүүд, Ерөнхийлөгч, хууль санаачлах эрх бүхий этгээдүүд нэн яаралтай горимоор хэлэлцүүлнэ гэсэн асуудал тавихгүй шүү гэдгийг өмнө анхааруулсан. Үүнийг зөв ойлгох хэрэгтэй. Сонгуулийн хуулийг гишүүд уншиж, хариуцлагатай хандах ёстой, нэн яаралтай гээд давхиад байж болохгүй” гэж сануулав.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
645949
0 эможи

keyboard_arrow_up