Arslan.mn

УИХ-ын чуулганы хуралдаанаар Гадаадын иргэний эрх зүйн байдлын тухай хуульд нэмэлт, өөрчлөлт оруулах тухай хуулийн төслийн хэлэлцэх эсэхийг хэлэлцэж байна.

Хуулийн төслийн хэлэлцүүлэгтэй холбогдуулан гишүүд асуулт асууж, хариулт авч байна.

УИХ-ын гишүүн Ц.Даваасүрэн: Өнгөрсөн жил БНХАУ-ын 800 иргэний асуудал гарсан. Энэ асуудал юу болсон бэ. Тийм олон тооны гар утас, компьютер ашиглаж байсан байхад яагаад мэдээгүй байдаг вэ. Энэ бол зөвхөн нэг жишээ шүү дээ.  Энэ чиглэлээр ямар арга хэмжээ авсан бэ? 

Ажлын хэсэг: Хэргийн талаар мэдээлэл өгөх боломжгүй. Хэрэг хянан шийдвэрлэх ажиллагаа шүүхийн шатанд явж байна. Гадаадын иргэдэд хяналт тавих нэгдсэн систем байхгүйтэй холбоотой. Хуулийн төсөлд гааль дээр биеийн давхцалгүй өгөгдлийг бүртгэж, хяналт тавих талаар хуулийн төсөлд тусгасан. 

УИХ-ын гишүүн Ц.Даваасүрэн: Би ийм байдлаар мэдээлэл авмааргүй байна. Хүчний байгууллагын балай юмнууд орж ирчихээд УИХ-д томроод байдаг. Заримыг нь зайлуул. Гүйцэтгэх ажлын нууц гээд солиороод сууж байж болохгүй. Нууц юм бол хаалттай горимоор хэлэлцэх санал гаргаж байна.