Arslan.mn

Эрчим хүчний яамны Төрийн нарийн бичгийн дарга асан Н.Тавинбэх нарт холбогдох эрүүгийн хэргийн урьдчилсан хэлэлцүүлэг өнөөдөр /2026.09.14/ Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд эхэлсэн юм.

Гэвч прокурор шүүгчээс татгалзах хүсэлт гаргаснаар  шүүх хурлын урьдчилсан хэлэлцүүлгийг хойшлуулах шийдвэр гаралаа.

Хэргийг эргэн сануулахад, Н.Тавинбэх нь ЭХЯ-ны ТНБД-аар ажиллаж байхдаа БНСУ-ын "Эксим" банкны эх үүсвэртэй хөнгөлөлттэй зээлээр 10 аймагт дулааны станц барих төслийн зөвлөх үйлчилгээний $9 саяын гэрээг байгуулахдаа албан тушаалын байдлаа урвуулан ашиглаж, зөвлөх үйлчилгээний төсвийг $2,6 саяар нэмж, Монголын нэр бүхий аж ахуйн нэгжид эдийн засгийн давуу байдал бий болгосон гэх хэрэгт холбогдуулан шалгаж байна.