Arslan.mn

Цагдаагийн байгууллагаас өөрийгөө МУИС-ийн багш хэмээн танилцуулж, оюутан залуусыг их, дээд сургуульд баталгаатай элсүүлж, гадаадын улс оронд сурагч солилцоогоор явуулан, тэтгэлэгт хамруулна хэмээн иргэдийг залилсан этгээдийг баривчилсан талаар мэдээллээ.

Сэжигтэн нь танил талаараа томоохон их, дээд сургуулиудад элсүүлж өгнө, гадаадад сурагч солилцоонд хамруулна, тэтгэлэгт явуулна гэх зэргээр иргэдийг төөрөгдүүлж, нийт 120 орчим сая төгрөгийн хохирол учруулсан байна.

Иймд эцэг, эх, оюутан залуусыг их, дээд сургуулийн элсэлт, гадаадад суралцах хөтөлбөр болон тэтгэлэгтэй холбоотой мэдээллийг зөвхөн тухайн сургалтын байгууллагын албан ёсны эх сурвалжаас авч, бусдын амлалт, танил талаарх мэдээлэлд үндэслэн мөнгө шилжүүлэхгүй байхыг цагдаагийн байгууллагаас анхаарууллаа.