Arslan.mn

Өчигдөр монголчууд ЭТТ-н 1072 хувьцааны ноогдол ашгаа хүртсэн билээ. Энэ үеэр Таван толгойг хэн танд үлдээсэн бэ гэдгийг бид мартах учиргүй. 2015 оныг эргэн сануулая.  болно. “Эрдэнэс-Тавантолгой” ХК 2019 онд 2.6 их наяд төгрөгийн борлуулалттай ажиллажээ. Улсад 370 тэрбум төгрөгийн орлогын албан татвар төлөөд, нэг их наяд төгрөгийн цэвэр ашиг хийсэн байна. Харин 2015 оны төсөл хэрэгжсэн бол Тавантолгойгоо Хятадын “Шенхуа” ба “Энержи ресурс”-ийн хамтарсан консорциумд бэлэглэх байсан. Гэрээнд заагдсаны дагуу “Эрдэнэс-Тавантолгой”  ХК  зөвхөн борлуулалтын орлогын хоёр хувийг авах байлаа. Дээрх дүнгээс тооцож үзвэл, 2019 оны борлуулалт болох 2.6 их наядын хоёр хувь буюу 52 тэрбум төгрөг л Монголын төрд ирэх байжээ. Өнөөдрийн цэвэр ашигтай харьцуулбал, 948 тэрбум төгрөгийг Монголын ард түмэн биш “Шенхуа” болон “Энержи ресурс”-ийн консорциум авах байв. Хэрэв жил бүр ийм борлуулалт ашигтай ажиллана гэж тооцвол гэрээний 30 жилд 30 их наяд төгрөг олох ёстой “Эрдэнэс-Тавантолгой” 1.5 их наяд төгрөгтэй, “Шенхуа” болон “Энержи ресурс” консорциум 28.5 их наядын ашигтай ажиллана гэсэн үг.

Энэ бүхнээ бид алдах байсныг УИХ-ын дарга З.Энхболд тэргүүтэй 40 УИХ-ын гишүүн зогсоосноор өнөөдөр бид баялгийн үр шимээ хүртэх цаашлаад Таван толгой Монголдоо үлдсэн түүхтэй.