Л.Оюун-Эрдэнэ: Зовлонд дөрөөлж улс төр хийхийг хүссэн хүн бүр шангаа хатуу хүртэх болно Л.Оюун-Эрдэнэ: Зовлонд дөрөөлж улс төр хийхийг хүссэн хүн бүр шангаа хатуу хүртэх болно
COVID-19 7 хоногийн тойм -22°C 2639.86 ₮
04 сарын 24, Лхагва
Өнөөдөр

Arslan.mn

Л.Оюун-Эрдэнэ: Зовлонд дөрөөлж улс төр хийхийг хүссэн хүн бүр шангаа хатуу хүртэх болно

2024 оны 1 сарын 29

Arslan.mn

Өнгөрсөн долоо хоногт, 2024 оны нэгдүгээр сарын 23-24-нд шилжих шөнө Дүнжингаравын уулзвар орчимд хий ачсан машин дэлбэрч ноцтой осол болсон. Энэ эмгэнэлтэй явдлын улмаас Онцгой байдлын гурван аврагч амь эрсэдсэн. Тухайн үед тус замаар явсан машины жолооч, зорчигчид, тэр хавийн орон сууцны оршин суугчид түлэгдэж эмнэлэгт хүргэгдсэн. Уржигдар тэдний нэг 19 настай залуу амиа алдсан байна. Түүнээс гадна дэлбэрэлтийн улмаас олон хүн эд хөрөнгөөр хохирсон.

Одоогоор “...Хууль хяналтынхан, мэргэжлийн байгууллагууд уг ослын талаар албан ёсны дүгнэлт гаргахаар ажиллаж байна” гэсэн албаны мэдээлэлтэй. Харин олон нийтийн сүлжээ, бусад мэдээллийн эх сурвалжуудаар ослын талаар янз бүрийн зүйл яригдаж байна. Энэ осолд “...Хий ачиж явсан машины жолооч, цаашлаад “Дашваанжил” ХХК нь аюултай ачаа тээвэрлэх стандартын горим зөрчсөн” гэх хандлага нэлээд байна.

Мөн “...ОБЕГ-ын удирдлагууд аврагчдыг хийн ослын үед ажиллах зааварчилгаагаар хангаж чадаагүй” гэж үзэх хүн олон байгаа юм. Бас “...“Дүнжингарав” худалдааны төв, Глобал сургууль орчмын дундуурх автозам хоёр талаасаа шахагдаж, нарийхан баригдсан. Тухайн үед орон сууц руу орсон галыг унтраах гэсэн онцгой байдлын машин “хүзүүвч”-д тээглээд орж чадаагүй. Энэ бүхэн газрын авлигатай холбоотой” гэж байна. Тэгвэл Засгийн газрын өнгөрсөн долоо хоногийн хуралдаанаар энэхүү ослын талаар нэлээд яригджээ. Ерөнхий сайд Л.Оюун-Эрдэнэ Давосын эдийн засгийн чуулганаас ирсэн даруйдаа, 25-ны пүрэв гарагт Засгийн газрыг хуралдуулжээ. Тэрбээр хууль хяналтынханд Дүнжингаравын уулзвар орчимд гарсан дээрх ослыг нарийвчлан шалгах чиглэлийг өгсөн байна. Ерөнхий сайдын чиглэл нь “...Буруутай этгээдийг заавал олж, хариуцлага тооц. Тэр хүртэл УОК, нийслэлийн удирдлагууд гэм хорыг арилгахад анхаарч шуурхай ажилла” гэсэн агуулгатай. Гэхдээ чиглэлийг хэрэгжүүлэхдээ авах арга хэмжээ, анхаарах асуудлууд нь нэлээд анхаарал татахаар байгаа юм.

Тодруулбал, “...Тухайн үед эргэн тойрон дахь машинуудад хэн хэн байсан бэ. Улстөрчдийн хамаарал бүхий машинууд тэр хавьд хэдэн цагаас хэдэн цагийн хооронд байсан бэ. Тэдгээр машинд шүүхээр явж байгаа хэргийн хамаарал бүхий болон хуулийн байгууллагуудад ажиллаж байсан хүмүүс хамт байсан эсэхийг тодруулах хэрэгтэй. Тагнуулын дарга эрхмийн барьсан орон сууц, тэдний эргэн тойронд тэр өдөр ямар уулзалтууд болсон бэ. Осол яагаад лхагва гарагт гарсан бэ. Эдгээрийг цогц байдлаар нягталж, хэрэг нээж шалгах ёстой” гэж үүрэг өгсөн байна. Эндээс харвал Ерөнхий сайд Л.Оюун-Эрдэнэ энэ ослыг тохиолдол биш гэж үзэж байгаа бололтой.

Үүнээс гадна, “...Өнгөрсөн оны сүүлчээр Авлигын шүүх байгуулах талаар хэлэлцсэний дараа, нүүрсний сонсголын эхлэлээс дуусах хүртэл үргэлжилсэн шатахуун тасарсан асуудлыг нийгмийн сүлжээнд зохион байгуулалттайгаар тараасан, сая гарсан ослын талаарх янз бүрийн мэдээллүүд ямар эх үүсвэрээс дээрх байдлаар цацагдаж байгааг нарийвчлан шалгаж танилцуулаарай” гэжээ.

Мөн хотын газар, бусад асуудлаарх сонсголыг яаралтай зохион байгуулах чиглэлийг өгсөн байна. Энэ талаар ХЗДХ-ийн сайд Б.Энхбаяр Засгийн газрын хуралдааны дараа олон нийтэд мэдээлсэн.

Түүнчлэн Засгийн газрын дээрх хуралдаан дээр Ерөнхий сайд Л.Оюун-Эрдэнэ “...Давосын эдийн засгийн чуулганд оролцох үеэр “хөдөлгөөн” хийх гэсэн авлигачдын гадаад, дотоод зорилго бүтэхгүй. Тэдний Монгол Улс руу оруулж ирж байгаа мөнгө нь таван газарт царцаагдсан. Үүнд удахгүй хариуцлага тооцно. Ер нь ард түмний зовлонд дөрөөлж, сонгууль болон улс төр хийхийг хүсэж байгаа хүн бүр шангаа хатуу хүртэх болно. Шүүх дээр явж байгаа хэргүүдээс ч хараагаа салгахгүй. Анхаарлаа сулруулахгүй. Баялгийн лиценз, хотын газар хэнд, хэрхэн очсоныг олон нийт удахгүй нийтийн сонсголоор мэдэх болно. Мэдэх эрхийг хангана. Тэгэх тусам энэ үйлдлүүдийн ард хэн хэн байгааг ард олон төвөггүй ойлгоно. Олон нийт мэдээллийн хаалттай байдалд байж, хууль бус ийм явдлуудын талаар огт мэддэггүй байсан. Тэгвэл ингэж төөрдөг байшин дотор удаан зугаалахгүй ээ. Хамгийн сайн нь дээрх хүмүүсийн нуусан, хаасан явдлуудынх нь бүх мэдээлэл бэлэн болсон. Одоо тэд устгах боломжгүй, оройтсон” гэж ярьсан байна. Эдгээрээс гадна Засгийн газрын гишүүд, нийслэлийн удирдлагууд өнгөрсөн амралтын өдрүүдээр хийн осол хийгээд хотын газар, бусад асуудлаарх авлига дагасан хууль бус үйлдлүүдтэй холбоотойгоор стандарт, хяналт шалгалтыг сайжруулах зэрэг зарим арга хэмжээг авч, томилгоо хийхээр шийджээ. Тэдгээр нь энэ долоо хоногт албажих бололтой.

 

Б.ГАРЬД

Эх сурвалж: “Зууны мэдээ” сонин

Мэдээнд өгөх таны үнэлгээ?
Like an post Love an post
1
haha an post
1
wow an post
yay an post
sad an post
ouch an post
confuse an post
angry an post
654333
6 эможи

Зочин
2024-02-01 12:18
Ерөнхий сайд таны наад үг чинь өгүүлбэр дотроос нь түүсэн чгэлээ хараал мэт сонссогдож байна. Та үнэхээр ажлаа хийж чадахгүй худлаа хэлж ярьж аргацаах үйл ажиллагаа явуулж байна. Дахин бүү гарч ир. та нутаг орноо хөгджийн түвшний нь дээшлүүлэх ажил хийгээд уурхайн тосгондоо сууж байх нь өлзийтэй байх болно.
Сор
2024-01-30 12:45
Тиймээ маш зоримог ажиллаж бна муу хүмүүс олон болж хамгаалалтаа сайжруулаарай энэ шум яавч зохион байгуулалтай болж таарлаа Өнрццгийг сулла гэж орлогчид юу ч биш гэж үү
Зочин
2024-01-29 14:44
Ерөнхий сайдаа хичээгээрэй. Бас өөрийнхөө хамгаалалтаа маш сайн байлгаарай. Ард нийтээрээ дэмжиж бга шүү
Зочин
2024-01-29 10:12
ЗОРИГТОЙ ЗОРИЛГОТОЙ ХАРААТ БУС ШИЙДВЭР ГАРГАЖ, ХАРХУУДЫГ ШОРОНД НЬ ИЛГЭЭХ ХЭРЭГТЭЙ ШҮҮ ЕРӨНХИЙ САЙДАА
keyboard_arrow_up