Малын хашаа хороогоор хангах, шатахууны нийлүүлэлтийг тасалдуулахгүй байх зэрэг асуудлаар санал солилцжээ
Монгол Улсын Шадар сайд С.Амарсайхан НҮБ-ын Монгол Улс дахь Суурин зохицуулагч Тапан Мишратай зудын эрсдэлийг даван туулах чадавхыг нэмэгдүүлэх чиглэлээр уулзлаа.
Уулзалтаар цас, зудын үед малчдын ахуй амьдралыг хамгаалах, байгальд ээлтэй мал аж ахуйг хөгжүүлэх, Монгол Улсын Засгийн газраас хэрэгжүүлж буй “Шинэ сэргэлтийн бодлого”-ын Хөдөөгийн сэргэлтийг дэмжих ажлын хүрээнд малын хашаа хороогоор хангах, малын тэжээл тариалах, шатахууны нийлүүлэлтийг тасалдуулахгүй байх зэрэг цаг үеийн нөхцөл байдлын асуудлаар харилцан санал солилцов.
Энэ хүрээнд Монгол Улсын Шадар сайд С.Амарсайхан болон НҮБ-ын Монгол Улс дахь Суурин зохицуулагч Тапан Мишра дулаан хашаа хороотой болгох, энэ чиглэлээр санаачилга гаргах үндсэн дээр туршилтын журмаар хашаа хороог барьж өгөх тал дээр санал нэгдлээ.
Ингэснээр малчдын нийгмийн асуудлыг дээшлүүлэх, өнтэй өвөлжиж, хаваржих асуудлыг тодорхой хувиар нэмэгдүүлэх, иргэдийг орон нутагтаа тогтвортой амьдрах боломжоор хангахаас гадна малын түүхий эдийг боловсруулах үйлдвэрлэлийг нэмэгдүүлэх боломжтой юм.
Эх сурвалж: Монгол Улсын Шадар сайдын мэдээлэл
![Like an post](https://www.arslan.mn/templates/img/comment/like.png)
![Love an post](https://www.arslan.mn/templates/img/comment/love.png)
![haha an post](https://www.arslan.mn/templates/img/comment/haha.png)
![wow an post](https://www.arslan.mn/templates/img/comment/wow.png)
![yay an post](https://www.arslan.mn/templates/img/comment/yay.png)
![sad an post](https://www.arslan.mn/templates/img/comment/sad.png)
![ouch an post](https://www.arslan.mn/templates/img/comment/ouch.png)
![confuse an post](https://www.arslan.mn/templates/img/comment/confused.png)
![angry an post](https://www.arslan.mn/templates/img/comment/angry.png)