COVID-19 7 хоногийн тойм -22°C 2639.86 ₮
02 сарын 02, Пүрэв
Өнөөдөр

Arslan.mn

​Х.Нямбаатар: Макаогийн загвараар КАЗИНО БАЙГУУЛНА

админ
2022 оны 11 сарын 28

УИХ дахь МАН-ын бүлэг өнөөдрийн ээлжит хуралдаанаараа Аялал жуулчлалын тухай хуулийн шинэчилсэн найруулгын төслийг хэлэлцсэн байна.

Засгийн газар 2023-2025 оныг Монголд зочлох жил болгон зарлаж байгаа. Үүнтэй холбогдуулан Аялал жуулчлалын тухай хууль болон холбогдох 10 гаруй хуулийг өөрчлөхөөр болжээ. Мөн Казиногийн тухай хууль, Бооцоот тоглоомын тухай хуулийг өргөн мэдүүлж байна. Энэ хуулиудыг МАН-ын бүлэг өнөөдөр хэлэлцэж, дэмжсэн бөгөөд энэ ондоо багтаан хэлэлцэн батлах шаардлагатай гэж үзсэнийг бүлгийн дарга Д.Тогтохсүрэн хэллээ.

Хуулийн төслийн санаачлагч ХЗДХ-ийн сайд Х.Нямбаатар: Монгол Улс ковидын өмнөх жил буюу 2019 онд 580 мянган жуулчныг хүлээж авч, энэ салбараас 610 орчим сая ам.долларын орлого олсон гэсэн статистик байдаг. Ковидын дараах үеийн тоон мэдээлэл гараагүй байна. 2020, 2021 онд жуулчингүй байсан.

2019 онд ДНБ-ий зургаа орчим хувийг аялал жуулчлалын салбараас бүрдүүлж байсан. Цаашид энэ үзүүлэлтийг 30 хувьд хүргэх том зорилт дэвшүүлж, Ерөнхий сайд санаачилгаар 2023 оны Монгол Улсад зочлох жил болгон зарлаж байна.

Тиймээс Аялал жуулчлалын тухай хуулийн шинэчилсэн найруулгын төслийг энэ яаралтай горимоор УИХ-д өргөн мэдүүлж, 12 дугаар сард багтаан батлуулан, 2023 оны 01 дүгээр сарын 01-ний өдрөөс хойш Монгол Улсад ирэх жуулчдад

  1. Визгүй, визийн хамгийн сайн нөхцөлтэй ангиллын орнуудын тоонд багтсанаа олон улсад зарлах

  2. Монгол Улсад ирэх агаарын тээврийн зардал нь хамгийн бага байх гэсэн хоёр мессежийг жуулчдад өгөхийг зорьж байна.

Энэ хуультай багцлан гурван хуулийн төсөл өргөн барина.

  1. Казиногийн хууль

  2. Морин бооцоот уралдааны тухай хууль

  3. Төлбөрт тааварт тоглоомын тухай хууль

Бид Казиногийн хуулинд Макао загварыг сонгосон. Монгол Улсад хамгийн өндөр, бодит хөрөнгө оруулалт хийхээр дэнчингээ тавьсан ААН-д лиценз олгоно. Казиногийн өдөр бүрийн орлогын 40 хувийг Засгийн газар хурааж авна. 30 жил үйл ажиллагаа явуулсны дараа нийт ширээнийх нь 50 хувь Монголын Засгийн газрын өмчлөлд шилжинэ гэсэн нөхцөлтэй нээлттэй сонгон шалгаруулалтыг зарлана.

Эхний ээлжинд Хөшигийн хөндийд ганцхан лиценз олгох хувилбарыг Засгийн газар хэлэлцэнэ. Казиногоор Монгол Улсын иргэд үйлчлүүлэхийг хуулиар хориглоно.

Аялал жуулчлалын тухай хууль батлагдсанаар Аялал жуулчлалын сан байгуулагдана. Энэ сангийн хөрөнгийг

  1. Аялал жуулчлалыг сурталчлах

  2. Аялал жуулчлалын дэд бүтцийг бий болгох

  3. Агаарын тээврийн салбарт дэмжлэг үзүүлэх

  4. Аялал жуулчлалын шинэ бүтээгдэхүүн, үйлчилгээг хөгжүүлэхэд зарцуулна.

Аялал жуулчлалын сангийн орлогын эх үүсвэр

  1. Казиногийн нийт орлогын 5 хувь

  2. Морин бооцоото уралдааны 5 хувь

  3. Төлбөрт тааварт тоглоомын орлогын 5 хувиас бүрдэнэ.

Энэ сангийн үйл ажиллагаанд хяналт тавих үүргийг төр-хувийн хэвшлийн хамтарсан комисс гүйцэтгэнэ.

Мэдээнд өгөх таны үнэлгээ?
Like an post Love an post
haha an post
1
wow an post
yay an post
sad an post
ouch an post
confuse an post
1
angry an post
642776
2 эможи

зочин
2022-11-29 10:53
МАН хан түгжрэл утаанаасаа салаагүй байж юун казиноо наад хөрөнгөө түгжрэл утаанд зориулж улсаа хөгжүүл
Зочин
2022-11-28 19:30
МАН ын ёс зүйгүй өлөн луйварчид яаж зүгээр байхав. Төсвийн мөнгөөр ч туйлах нь дээ
keyboard_arrow_up