С.Бямбацогт: Мянга сонсохоор нэг үз гэдэг, өнөөдөр Берлин хотын нийтийн тээврээр зорчиж ТУРШЛАГА СУДАЛЛАА С.Бямбацогт: Мянга сонсохоор нэг үз гэдэг, өнөөдөр Берлин хотын нийтийн тээврээр зорчиж ТУРШЛАГА СУДАЛЛАА
COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

С.Бямбацогт: Мянга сонсохоор нэг үз гэдэг, өнөөдөр Берлин хотын нийтийн тээврээр зорчиж ТУРШЛАГА СУДАЛЛАА

2022 оны 10 сарын 17

Arslan.mn

Зам, тээврийн хөгжлийн сайд С.Бямбацогт Ерөнхий сайдын Герман улс дахь айлчлалын бүрэлдэхүүнд багтсан. Түүний хувьд тус улсын нийтийн тээврээр зорчиж, арвин их туршлага хуримтлуулснаа нийгмийн сүлжээндээ хуваалцжээ. 

Тэрбээр "Мянга сонсохоор нэг үз гэдэг, өнөөдөр Берлин хотын нийтийн тээврээр зорчиж туршлага судаллаа. 8.8 еврогоор 24 цагийн дотор Берлин хотын хаашаагаа ч бүх тээврийн хэрэгслээр зорчих тасалбар авч газар доогуур болон дээгүүрх метро, LRT, цахилгаан болон ердийн автобусаар аялж үзлээ

Нийтийн тээврээр билeтгүй явбал 60 eврогоор торгодог, харин 3 удаа торгуулбал шууд эрүүгийн хариуцлага үүсдэг чанга зохицуулалттай аж.

Автобус ажлын өдрүүдэд 5 минутын зайтай, амралтын өдрүүдэд 20 минутын зайтай явдаг, авто замын хөдөлгөөнд НИЙТИЙН ТЭЭВЭР, ДУГУЙ 2 ДАВУУ ЭРХТЭЙ оролцдог юм байна.

Авто замын төлбөр хураамж, торгуулиас орж буй бүх орлогыг шууд НИЙТИЙН ТЭЭВРИЙН ПАРК ШИНЭЧЛЭЛД зарцуулагддаг системтэй тул нийтийн тээвэр үнэхээр сайн хөгжжээ.

Бас нэг сайн туршлага бол зам барихдаа автомашины зам, явган хүний зам, дугуйн замыг цогцоор нь шийдэж байна. Мөн Герман улс даяар дугуйн зам барих бүх нийтийн төслийн уралдааныг зарлаж хотуудыг хооронд нь өрсөлдүүлж улсын төсвөөс хөрөнгө гаргаснаас бүх хотууд бүгд дугуйн замтай болсон байна.

Берлин хот 3.4 сая хүн амтай, 1.2 сая машинтай жилд дунджаар 45-52 цагийг замд түгжрэн өнгөрөөдөг гэсэн судалгаа байгаа бол харин манайх зарим өдрүүдэд тэг зогсолт хийж жилд дунджааp 600 цаг орчим түгжирсээр.

Бас нэг сайн туршлагыг энд дурьдахгүй өнгөрч болохгүй нь. Нийтийн тээвэрт хүн бүр хэрхэн аюулгүй ажиллагаагаа хангаж оролцох, соёлтой үйлчлүүлэх талаар багаас нь төлөвшүүлж, иргэн өөрөө аюулгүй байдлаа хангах суурийг маш сайн тавьж өгдөг байна. Тухайлбал хүүхдүүдэд цэцэрлэгт байхад нь л явган зорчигчийн талаар зааж сурган суурийг нь зөв өгч цаашилбал нийтийн тээврээр хэрхэн өөрийнхөө аюулгүй байдлыг хангаж зорчих, явганаар, дугуйгаар, скүтер, авто машинаар хөдөлгөөнд хэрхэн оролцох талаар иргэдээ байнга чадваржуулдаг байна.

Нийтийн тээврийн шинэчлэл, либералчлал үнэхээр түгжрэлийг шийдэх гарц бололтой" гэжээ. 

Мэдээнд өгөх таны үнэлгээ?
Like an post Love an post
haha an post
3
wow an post
1
yay an post
sad an post
ouch an post
confuse an post
angry an post
641430
6 эможи

Зочин
2022-10-21 20:39
Юм үзээгүй амьтан шүү чааваас!!!
Болд
2022-10-18 07:47
Энэ тэнэгийг. Тун оройтон ухаарч. Монголд зам, дугуйн зам, явган хүний замыг цогцоор нь шийдэх боломжгүй болчихсон
Зочин
2022-10-17 13:33
Битгий тэнэгтээд бай .мангар новш чинь
Зочин
2022-10-17 12:38
Үзээгүй юмаа үзжээ... УБ-т автобусанд шахцалдаж товчоо таслуулж, гутлын улаа ханзлуулж үзээрэй
keyboard_arrow_up