Arslan.mn

УИХ-ын Төсвийн байнгын хороо, эдийн засгийн  байнгын хорооны өнөөдрийн хамтарсан хуралдаанаар /2026.10.20/ Төсвийн тогтвортой байдлын тухай хуульд нэмэлт, өөрчлөлт оруулах тухай хуулийн төслийг хэлэлцэж байна. 

Энэ үеэр УИХ-ын гишүүн Дав.Цогтбаатар "СЗХ-ны дэд дарга Т.Цэрэнбадралын эхнэр нь Канадад элчин сайд тул тэрээр Монголд ажилладаггүй, Хадгаламжийн даатгалын корпорацийн томилолтоор Канад руу яваад ямар ч тайлангүй ирдэг.

Мөн ББСБ-уудын зээлийн хүү тэнгэрт хадаж, иргэд хүнд дарамтад орж байхад үүнийг шийдэхгүй байна. Мөн бүрэн эрхийн хугацаа нь дуусаад хоёр жил болсон Н.Хүдэрчулуун гэдэг даргыг өмнөх УИХ-ын даргын найз гэдэг шалтгаанаар өнөөг хүртэл чөлөөлөөгүй байна." гэв.

Тэгвэл дарга нарт томилолт өгч суугаа гэх шүүмжлэлд өртөж буй Хадгаламжийн даатгалын корпораци захирал Б.Ариунболдын 2025 онд АТГ-т шинэчлэн мэдүүлсэн Хөрөнгө, орлогын мэдүүлэг /ХОМ/ хүргэж байна.

Тэрээр түүний жилийн орлого 141 сая төгрөг бөгөөд сарын орлого нь 12 сая орчим төгрөг гэсэн үг.

Тэрбээр мэдүүлэгтээ:

Өөрийн орлого: ₮141 сая
Гэр бүлийн орлого: ₮14 сая
Хөрөнгө борлуулсны орлого: ₮197 сая
Орон сууц барилга байгууламж: ₮785 сая /Нийтийн орон сууц-2, Авто зогсоол-2/
Тээврийн хэрэгсэл: ₮605 сая /Toyota Prius, Lexus LX 600 , Toyota Land Criuser 300  маркийн 3 тээврийн хэрэгсэлтэй/ 
Мал аж ахуй: ₮0 сая
Газар: ₮0 сая 
Үнэт эдлэл, урлаг, түүхийн үнэт зүйл: ₮0 сая
Хадгаламж: ₮32 сая 
Авлага: ₮113 сая
Зээл:  ₮496 сая гэж мэдүүлжээ.