Arslan.mn

ХЗДХ-ийн сайд С.Амарсайханы ажлын албаны даргаар, зөвлөхөөр олон жил ажилласан Б.Батбямбыг ХЗДХЯ-ны Төрийн нарийн бичгийн даргаар томилохоор болжээ.

Б.Батбямбыг маргаашийн буюу 05 дугаар сарын 20-ны Засгийн газрын ээлжит хурлаар томилох аж. 

Б.Батбямбын хувьд 2019 оноос НИТХ-ын даргын ажлын албаны даргаар, шадар сайдын зөвлөхөөр зэрэг  С.Амарсайхан сайдын арыг хариуцан 7 жил ажиллаж байгаа билээ. Тэгвэл энэ удаа сайдыгаа дагаад ХЗДХЯ-ны Төрийн нарийн бичгийн даргын суудалд очихоор болжээ. Түүний хувьд ямар нэгэн сонгон шалгаруулалт гэхээс илүү улс төрийн томилгоогоор түр орлон гүйцэтгэгчээр ийнхүү томилогдохоор болсон гэв. 

Тэгвэл ХЗДХЯ-ны Төрийн нарийн бичгийн даргаар томилогдох Б.Батбямбын  2024 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮78 сая
Гэр бүлийн орлого: ₮138 сая
Орон сууц барилга байгууламж: ₮735 сая  /орон сууц-3, Зуслангийн байшин-1,Авто зогсоол-2/
Тээврийн хэрэгсэл: ₮35 сая  /Nissan, X-Trail маркийн тээврийн хэрэгсэлтэй /
Мал аж ахуй:₮10 сая /Адуу-10/
Газар: ₮1 сая /Эзэмших-700м2-1/                                                                                                                                           Үнэт эдлэл, урлаг, түүхийн үнэт зүйл:₮5 cая
Хадгаламж: ₮114 сая /дотоод/   ₮30 сая /гадаад/
Авлага: ₮0 cая
Зээл:  ₮0 сая гэж мэдүүлжээ.