Arslan.mn

Хотын төвийн бүсэд олон тооны орон сууцны хороолол баригдах нь төвлөрлийг бий болгож, түгжрэлийг улам л нэмэгдүүлэх нөхцөлийг бий болгож буйг албаныхан өөрсдөө байнга шахуу ярьдаг. Үүнээс үүдэн Улаанбаатарчууд хот төлөвлөлтийн системгүй хөгжлийн “хохирогчид” болсоор байна. 

Хэн мөнгөтэй нь дуртай газраа худалдан авч, хороолол сүндэрлүүлсний балгаар өнөөдөр нийслэлээрээ цахилгаан таслах хуваарь гэдэг гайхамшигт хуваарьтай болчихоод хоёр дахь жилийнхээ нүүрийг үзэж байна. 

Барилгын ачаалал нэмэгдсэн тул  нэмж "Бетонон ширэнгэ" босгохоо болих хэрэгтэйг ч салбарынхан нь анхааруулаад удаж байна. Гэвч хэн мөнгөтэй, эрх мэдэлтэй нь л ялж байх цаг аж. 

Тэдний нэг бол Эрчим хүчний Б.Чойжилсүрэн юм. Яармагийг бетонон ширэнгэ болгоод түүний шунал ханаагүйгээр барахгүй, хотын төвийг дайлаар мордож эхэлсэн. Тодруулбал Б.Чойжилсүрэн өөрийн хамаарал бүхий "Хурд стандарт" компаниараа Улаанбаатар хотын үнэ цэнтэй газрын нэг болох “UB Palace“-ийг худалдан авч нураан, оронд нь 8 блок бүхий "бетонон ширэнгэ" босгож байна. Тус орон сууцны хороолол нь өнөөдрийн байдлаар 2-3 давхрын барилгын ажил хийгдэж байна. 

"Хурд стандарт" нь Эрчим хүчний сайд Б.Чойжилсүрэнгийн "Хурд" группийн олон охин компанийн нэг. Тус компанийг  2014 оноос хойш гишүүн Б.Чойжилсүрэн өөрийн хөрөнгө орлогын мэдүүлэгтээ тогтмол дурдаж ирсэн байгаа юм. Энэ мэтчилэн барилгын магнат Б.Чойжилсүрэнд иргэдийн эрх ашгийг хумхын тоос чинээ үзэж шуналдаа хөтлөгдсөөр л явна.