Arslan.mn

Ерөнхий сайд Г.Занданшатар Хууль зүй, дотоод хэргийн сайдаар УИХ-ын гишүүн Б.Энхбаярыг томилох саналаа Ерөнхийлөгчид танилцуулж, улмаар УИХ-д оруулаад буй. Хууль зүй, дотоод хэргийн сайдаар Б.Энхбаярыг томилох танилцуулгыг УИХ маргааш хэлэлцэх байсан ч ирэх долоо хоног хүртэл хойшлуулсан байна.

УИХ-ын Ерөнхий нарийн бичгийн дарга Б.Баасандоржийн өгсөн мэдээллээр өчигдөр УИХ-ын даргын дэргэдэх зөвлөл хуралдаж, энэ долоо хоногт хэлэлцэх асуудлын дараалалд өөрчлөлт оруулжээ. Тодруулбал, П.Сайнзориг нарын гишүүдийн УИХ-д өргөн мэдүүлсэн Ерөнхий сайд Г.Занданшатарыг огцруулах саналыг баасан гарагт чуулганаар хэлэлцэх юм. Маргааш 08.30 цагт Төрийн байгуулалтын байнгын хороо, 10.00 цагаас УИХ-ын чуулганы хуралдааныг товложээ.