Arslan.mn

Үндэсний статистикийн хорооны тоон мэдээллээр монгол орны тариалангийн нутгаар 2022 оны зургаадугаар сарын 1-ний байдлаар 365.6 мянган га талбайд тариалалт хийснээс 300.6 мянган га-д буудай, 9.1 мянган га-д төмс, 45.2 мянган га-д техникийн ургамал, үлдсэн талбайд хүнсний ногоо болон тэжээлийн ургамал тариалжээ.

Энэ нь өмнөх оны мөн үеэс нийт тариалсан талбай 2.8%-аар буурсан байна. Үүнээс улаанбуудай тариалсан талбай 28.2 мянган буюу 8.5 % -аар буурчээ.

Ийнхүү энэ жилийн буудайн хаврын тариалалт, ургалтын байдал, цаг агаарын нөхцөлийн бодит болон цаашдын төлөвт үндэслэн буудайн ургацыг динамик–статистик загвараар урьдчилан тооцоо хийж үзэхэд:

• Увсын Баруунтуруун, Сэлэнгийн Орхонтуул сумын тариалан бүхий нутгаар 9.2-12.8 ц/га
• Сэлэнгийн Орхон, Булганы Хутаг-Өндөр, Төвийн Эрдэнэсант, Угтаалцайдам сумдын тариалан бүхий нутгаар 13.8 – 14.8 ц/га
• Өвөрхангайн Хархорин, Сэлэнгийн Ерөө, Цагааннуур, Дорнодын Халхгол, Дархан-Уул аймгийн тариалан бүхий нутгаар 16.8 – 18.2 ц/га
• Сэлэнгийн Баянгол, Хөвсгөлийн Тариалан сумдын тариалан бүхий нутгаас 20 ц/га –аас дээш ургац авах төлөвтэй байна.