Arslan.mn

Аймаг, нийслэл, сум, дүүргийн ИТХ-ын сонгуулийн санал хураалтын дүн мэдээг урьдчилсан байдлаар СЕХ-нд нэгтгэж эхэлжээ. 

Нийслэлийн Багахангай, Багануур дүүргийн ИТХ-ын сонгуулийн дүн мэдээг СЕХ-ны цахим хуудаст нийтлэгдсэнээр танилцуулж байна. 

Багахангай дүүрэг нь нийслэлийн ИТХ-ын 22 дугаар тойрог бөгөөд нэг мандаттай. Тус дүүргээс нийслэлийн ИТХ-д МАН-аас нэр дэвшсэн С.Эрдэнэбаяр 1,205 санал буюу 58.21 хувийн саналаар ялалт байгуулсан байна. 

Харин Нийслэлийн Багануур дүүрэг нь нийслэлийн ИТХ-ын 21 дүгээр тойрог бөгөөд хоёр мандаттай.

Багануур дүүргээс нийслэлийн ИТХ-д МАН-аас нэр дэвшигч С.Даваасүрэн 5,482 санал буюу 58.93%, МАН-аас нэр дэвшигч Т.Отгонболд 5,193 санал буюу 55.82% санал авч НИТХ-ын төлөөлөгчөөр сонгогджээ.