Arslan.mn

Залуу, авьяаслаг жүжигчин, мисс Х.Баярмаа Соёлын тэргүүний ажилтан цолоор энгэрээ мялаажээ. Түүний хувьд ард түмний хайртай жүжигчин С.Өлзийхүү болон найруулагч Ц.Хүсэлбаатар нарын охин билээ. Саяхан тоглогдсон Гэм зэм жүжигт дүрээ мөнхлөхөөс гадна, олон дэлгэцийн уран бүтээл дээр ажиллаж олонд танигдсан.

Тэрбээр өөрийн цахим хуудаснаа "Юуны өмнө хамт олондоо маш их баярлалаа. Соёлын Тэргүүний Ажилтан гэж итгэл хүлээлгэж байгаад баярлалаа. 10 жил тууштай тасралтгүй урлагт хичээсэн залуу хүний зүтгэлийг үнэлж байгаа юмаа гэнэ. Их сургуулиа төгсөөд яг 10 жил болж байдаг шүү. Ямар их хариуцлага вэ гээд жаахан айгаасан. Улам хичээ гэсэн маш том ташуур болж өглөө. 

“Гэм Зэм”- ийн ORFEY Theater-ийн хамт олон минь та бүхэндээ маш их баярлалаа. “Салаа зам гарч ирхэд хамгийн өгсүүр бэрхшээлтэй замаар нь явж хүрч байгаарай, тэнд чамайг амьдрал хатуужуулдаг юм, тэнд бас хамгийн зөв хүмүүс замыг чинь чиглүүлж байдаг юм” гэж зааж сургадаг аав ээж хоёртоо баярлалаа" гэжээ.