Arslan.mn

Японы мэргэжлийн сүмо бөхийн долоодугаар сарын тэмцээн буюу Нагоя башё өчигдөр өндөрлөж, Хошорюү С.Бямбасүрэн түрүүллээ.

Сэкивакэ цолтой Хошорюү тэмцээний сүүлийн өдөр маэгаширагийн 17-оос барилдсан Хакүохог давснаар 12 даваа 3 унаатай болж маэгаширагийн 9 Хокүтофүжитэй тэнцсэн юм.

Улмаар Dolphins Arena-д нэмэлт барилдаан болж 24 настай С.Бямбасүрэн Хокүтофүжиг давснаар дээд зиндаанд анх удаа түрүүлэв.

Тэрээр 33-аас олон удаа давсан тул дараагийн тэмцээнд озэки цол руу дэвших болзлоо хангалаа.