Arslan.mn

Паратаеквондогийн дэлхийн таван удаагийн аварга, ОУХМ Г.Болор-Эрдэнэ Манчестерийн гран при тэмцээнд амжилттай тулалдан хүрэл медаль хүртлээ.

Англи улсын Манчестер хотноо энэ сарын 20-23-ны өдрүүдэд олимпын таеквондогийн Манчестерийн гран при тэмцээн зохион байгуулагдаж байна. Өчигдөр буюу 10 дугаар сарын 20-ны өдөр Паратаеквондогийн гран при тэмцээн зохион байгуулагдаж К44 ангиллын эрэгтэйчүүдийн -63кг жинд дэлхийн таван удаагийн аварга, ОУХМ Г.Болор-Эрдэнэ хүрэл медаль хүртлээ.

Энэ удаагийн Манчестерийн гран при тэмцээнд манай улсаас үндэсний шигшээ багийн дасгалжуулагч Д.Батнасангийн удирдлага дор Г.Болор-Эрдэнэ, Х.Энхтуяа нар хүч сорин өрсөлдсөн бол шүүгчээр олон улсын шүүгч Н.Эрдэнэбаатар ажиллаж байна. ОУХМ Г.Болор-Эрдэнэ энэ удаагийн тэмцээнд ранкын 3-т эрэмбэлэгдэн оролцсон бөгөөд эхний тойрогт Доминиканы тамирчныг 28:13 харьцаагаар буулган авч улмаар хагас шигшээ тулаанд "Токио-2020" олимпын наадмын хүрэл медальт Туркын Махмут Бозтекед ялагдан хүрэл медаль хүртсэн юм