Arslan.mn

Уулын спортын ОУХМ Ө.Батманлай, С.Болор-Эрдэнэ нар тун саяхан    Памирын нурууны Пик Ленин (7134м) оргилд эх орныхоо алтан соёмбот далбааг мандуулаад байна.

Уг авиралт нь Киргиз улсын уулчдын холбооноос туршлагатай уулчдын дунд зохион байгуулсан Mountain Spirit 2017 цугларалт юм. Авиралтад  Хонгконг, Япон, Тайван, Иран, Монгол гэсэн Азийн  таван орны  11 уулчин оролцсон байна.

  Цугларалтад оролцсон 11 уулчнаас ердөө хоёр  уулчин оргилд гарсан нь манай улсын уулчид байжээ. Бусад нь оргилд гарч чадаагүй гэсэн үг.

Mountain Spirit цугларалтын хүрээнд нэгдсэн авиралт хийгдээгүй, урьдаар бэлдэж зам тавиагүй бөгөөд зөвхөн үндсэн отог дээр хүргэж, уулчдыг байрлуулах асуудлыг нь шийдвэрлэсэн байна.

 Уулчдыг  Монголын уулчдын үндэсний холбоо, “Сутайн бор” клуб, “Жигүүр” ХХК зэрэг олон байгууллага дэмжиж ажиллажээ.

Уулын спортын ОУХМ Ө.Батманлай, С.Болор-Эрдэнэ нар нь Завхан аймгийн “Уулсын оргил өөд” клубын уулчид  юм.