БАЯРТ МЭДЭЭ: Дэлхийн хошой аварга С.Батцэцэг АЗИ ТИВИЙН АВАРГА болов

Чөлөөт бөхийн насанд хүрэгчдийн Ази тивийн аварга шалгаруулах тэмцээнд Дэлхийн хошой аварга, “Лондон-2012” олимпийн хүрэл медальт, гавьяат тамирчин Соронзонболдын Батцэцэг 63 кг-д хүч үзэж, анх удаагаа Азийн аваргын алтан медалийн эзэн болов.

Энэтхэгийн нийслэл Шинэ Дели хотноо эхэлсэн тус тэмцээний эмэгтэйчүүдийн 63, 75 кг-ын жингийн барилдаан өчигдөр болж манай багаас гавьяат тамирчин С.Батцэцэг, спортын мастер Г.Уртнасан нар дэвжээнд гарч барилдсан юм.

Монгол Улсын гавьяат тамирчин С.Батцэцэг энэ өдөр гурван барилдаандаа өрсөлдөгчдөө цэвэр яллаа. Тэрбээр эхний тойрогт БНСУ-ын Хан Жин Ёныг цэвэр, хагас шигшээ барилдаанд эзэн орны Риту Ритуг мөн цэвэр ялсан байна. С.Батцэцэг аваргын төлөө Японы бөх А.Гимпейтэй барилдан цаг дуусахаас 5 секундын өмнө мөн цэвэр ялж тивийн АШТ-д анх удаа түрүүллээ.

Мэдээнд өгөх таны үнэлгээ?