Я.Зоригтбаатар Монгол Улсын залуучуудын рекорд шинэчиллээ

Тэшүүрийн залуучуудын Дэлхийн цомын энэ сарын 26-27-нд Беларусь улсад боллоо.

Тус тэмцээнд манай улсаас эх орноо төлөөлж дасгалжуулагч Д.Энхбаярын удирдлага дор Д.Сумъяа, Я.Зоригтбаатар нар оролцов.

Эрэгтэйчүүдийн ангилалд өрсөлдсөн Я.Зоригтбаатар 500 метрт 37.94 секундын амжилтаар 34 дүгээр байрт шалгарч, улсынхаа залуучуудын рекордыг шинэчиллээ. Мөн тэрээр 1000 м-т 35, 1500 м-т 39 байрт шалгарсан юм.

Харин залуучуудын өвлийн олимпын аварга Д.Сумъяа 500 м-т 30 дугаар байрт оров.

Манай тамирчид Дэлхийн цомын өмнөх бэлтгэлээ БНХАУ-д 21 хоногийн хугацаанд базаажээ.

Мэдээнд өгөх таны үнэлгээ?