Arslan.mn

БНХАУ-ын Шиамен хотноо энэ сарын 20-21-нд Азийн оюутны спортын холбооны Ерөнхий ассамблэйн хурал болж байна. Энэхүү арга хэмжээнд Монголын оюутны спортын холбооны ерөнхийлөгч Д.Баясгалан, ерөнхий нарийн бичгийн дарга Д.Жаргалсайхан, “Мон-Алтиус” дээд сургуулийн захирал М.Өсөхбаяр нар оролцож байгаа юм. Азийн оюутны спортын холбооны дэд ерөнхийлөгчид нэр дэвшсэн МОСХ-ны ерөнхий нарийн бичгийн дарга, доктор, гавьяат дасгалжуулагч Д.Жаргалсайхан 13 хүний санал авч 2016-2022 онд Азийн оюутны спортын холбооны дэд ерөнхийлөгчөөр ажиллахаар сонгогдлоо.