Г.Мандахнаран чансаагаараа тавдугаарт эрэмбэлэгджээ

Дэлхийн бөхийн нэгдсэн холбоо (UWW)-ноос чөлөөт бөхийн 2016 оны сүүлчийн чансааг өчигдөр зарлалаа. Эрэгтэйчүүдийн хувьд “Рио-2016” олимпийн аваргууд, медальтнуудаар ахлуулсан энэхүү чансааны жин бүрт Монголын бөхчүүд бичигдсэн байна.

Манай тамирчдын хувьд 57 кг-д Монгол Улсын гавьяат тамирчин Э.Бэхбаяр 12 дугаар байр, 61 кг-д ОУХМ Т.Түвшинтулга наймдугаар байрт шалгарчээ. Харин 65 кг-д гавьяат тамирчин Г.Мандахнаран тав, 70 кг-д ОУХМ Б.Батзориг 13, 74 кг-д ОУХМ П.Өнөрбат 12 дугаар байрт жагссан байна. Түүнчлэн 86 кг-д О.Үйтүмэн 16, 97 кг-д ОУХМ Д.Хүдэрбулга 18, 125 кг-д ОУХМ Ж.Чулуунбат 16 дугаар байрт бичигджээ.

Олимпийн бус 61, 70 кг жингийн хувьд оны сүүлчээр Унгарт болох ДАШТ-ий дараагаар дахин чансааг шинэчлэх юм байна.

Мэдээнд өгөх таны үнэлгээ?