Arslan.mn

Энэ сарын 16-нд эхэлсэн “Евро-2016” европийн аварга шалгаруулах тэмцээний C, D хэсгийн сүүлийн тойргийн тоглолтууд өчигдөр шөнө явагдаж дууслаа. Өнгөрсөн шөнө, Украйн Польш, Умард Ирланд Германий тоглолтууд зэрэг явагдсан бөгөөд Польш, Германий багууд 1 гоолоор хожсоноор адилхан 7 оноотой болж Герман 1-р, Польш 2-р гарах болсон юм. Харин Умард Ирландийн хувьд 3 оноотой 3-р байрт жагссан юм. Харин шөнийн 04:00 цагаас D хэсгийн Чех Турк, Хорват Испаний тоглолт явагдсан. Туркийн шигшээ 2:0-н харьцаатай хожсон бол, Хорват Испанийг 2:1-н харьцаатай хожсон юм. Харин өнөөдөр шөнө E, F хэсгийн тоглолтууд явагдаж шөвгийн 16-д шалгарах багууд бүгд тодорхой болох ба 01:00 цагаас Унгар Португал, Исланд Австрийн тоглолт, 04:00 цагаас Итали Ирланд, Швед Бельгийн тоглолтууд явагдах юм.