Arslan.mn

Рио-де-Жанейро хотноо болох зуны олимпийн 2016 оны наадамд IJF-ийн шүүгч Машбатын Бөхбат шүүгчээр оролцох эрхээ Олон улсын жүдо бөхийн холбооноос хүлээн авчээ. Ийнхүү тэрбээр дэлхийн 14 орны шүүгчийн хамт "Рио 2016" олимпийн наадмын жүдо бөхийн хариуцлагатай тэмцээнийг шүүн явуулахаар болж байна. Монгол Улс түүхэндээ анх удаа олимпийн наадамд жүдо бөхийн төрөлд шүүгчтэй болж буй юм.

Монгол Улсын гавьяат дасгалжуулагч, эмэгтэй жүдо бөхийг үндэслэгч Ч.Машбат агсны хүү Бөхбат өдгөө Монголын жүдо бөхийн холбооны гүйцэтгэх захирлаар ажилладаг.  Сүүлийн нэг жилийн турш М.Бөхбат шүүгч Астанагийн ДАШТ, Их дуулга, Гранпри тэмцээнүүдийг шүүсэн билээ.