”Риакшн” продакшныхан “ҮНЭГҮЙ” мюзикл инээдмийн жүжгээр үзэгчдэд БЭЛЭГ БАРИХ нь ”Риакшн” продакшныхан “ҮНЭГҮЙ” мюзикл инээдмийн жүжгээр үзэгчдэд БЭЛЭГ БАРИХ нь
Сонгууль 2024 7 хоногийн тойм -22°C 2639.86 ₮
07 сарын 19, Баасан
Өнөөдөр

Arslan.mn

”Риакшн” продакшныхан “ҮНЭГҮЙ” мюзикл инээдмийн жүжгээр үзэгчдэд БЭЛЭГ БАРИХ нь

2022 оны 9 сарын 13

Arslan.mn

Оросын нэрт зохиолч Красногоров В.С-ын "Дуулалт баатрын шунал тачаал" сонгодог мюзикл инээдмийн жүжгийг Риакшн продакшныхан албан ёсны эрхтэйгээр найруулан дэглэж "ЧИ НАДАД ХАЙРТАЙ" нэрээр үзэгчдийн хүртээл болгоход бэлэн болжээ.

Тодруулбал “Чи надад хайртай" мюзикл инээдмийн жүжиг нөгөөдөр буюу есдүгээр сарын 15-ны өдрөөс эхлэн МҮЭСТО-д өдөр бүр 19:00 цагаас тоглогдох юм.

Уг жүжигт Реакшн продакшны залуус болох СТА Э.Тодгэрэл, СТА Х.Цасчихэр нараас гадна Төрийн Соёрхолт жүжигчин Ц.Төмөрбаатар, СТА С.Батзориг / Ишчүү /, СТА Г.Отгонцэцэг, СТА Б.Одгэрэл, СТА Э.Нямханд, А.Оргил, Э.Төрбат, Б.Цогбаяр, Ц.Мөнх-Эрдэнэ, Э.Анужин нар тоглох аж.

Ерөнхий найруулагчаар Ц.Батнайрамдал, найруулагчаар Д.Дашдаваа, бүжгийн найруулагчаар Ш.Баасан нар ажиллаж байгаа бол хөгжмийн зохиолыг Б.Цогбаяр , Н.Лигдэн нар бичжээ. Тайзны зураачаар Л.Батбилэг ажиллаж байгаа бөгөөд уг уран бүтээлд нийт 50 гаруй уран бүтээлч оролцож байгаа ажээ.

Уг жүжиг нь цэвэр инээдмийн мюзикл жанрынх учраас эндээс та ямар ч стресс мэдрэхгүй гэсэн үг. Хайрын үнэ цэн, үнэнч хайр ямар байдгийг, үнэнч хайр сэтгэлийг мэдрэхийн тулд юуг даван туулах ёстой вэ гэдгийг энэхүү жүжгээс харж болно. 

“ҮНЭГҮЙ” гэхийн учир нь тайзны жүжиг хамгийн багадаа 60 мянган төгрөгөөс эхэлж 300 мянга төгрөг хүрдэг бол нийгэм, эдийн засгийн хүнд цаг үед “Риакшн” продакшн суудлын эрэмбэ зааж 50, 80, 100 мянга зэргээр VIP суудал заахыг хүссэнгүй. Тэд хэлэхдээ бүх насны хүмүүст зориулж соён гэгээрүүлж, стресстэй нийгэмд бага ч гэсэн гэрэл асаах үүднээс ашиг харахгүйгээр бүх хүнд хүргэхийг зорьсон гэдгээ хэлж байв.

Урлаг бол олон нийтийг соён гэгээрүүлэх, бусдыг байлдан дагуулах зорилготой байдаг учраас хүн болгонд уран бүтээлээ хүргэхээр "Риакшн" продакшны жүжигчид болох Х.Цасчихэр, Э.Тодгэрэл нар энэ намрын хамгийн анхны тайзны уран бүтээл болох “ЧИ НАДАД ХАЙРТАЙ" мюзикл инээдмийн жүжгийн тасалбарын ашиг харахгүйгээр 15-30 мянган төгрөгөөр худалдаанд гаргаад байна.

Тайзнаа авьяас чадвар нь ундарсан 12 уран бүтээлч жүжгийн дүрүүдийг амилуулна. Мюзикл уран бүтээлийг бүжигчидгүйгээр төсөөлөхийн аргагүй. Уг бүтээлд нийт 18 бүжигчин оролцож байгаа бөгөөд уран бүтээлчид үзэгчидтэйгээ уулзах өдрийг тэсэн ядан хүлээж байгаа нь дамжиггүй биз ээ.

Тасалбарыг: https://ticket.mn/event/1311/

Тасалбарын үнэ: 30.000т, 15.000т

Лавлах утас: 88079283
 

Мэдээнд өгөх таны үнэлгээ?
Like an post Love an post
4
haha an post
wow an post
yay an post
1
sad an post
ouch an post
confuse an post
angry an post
640355
11 эможи

keyboard_arrow_up