Монголын мисс анх удаа шилдэг 11-т шалгарч, “Авьяаслаг мисс”-ийн титэм зүүлээ

“Miss world 2016” тэмцээний шилдэгийн шилдгийг шалгаруулах финалын ёслол өчигдөр шөнө болж өнгөрлөө. Энэ жил Монгол улсыг төлөөлөн оролцож буй А.Баярцэцэг авьяасын үзүүлбэртээ хамгийн өндөр саал авч шилдэг 20-ийн тоонд автоматаар багтсан.

Өчигдөр орой болсон ёслолын үеэр шилдэг 10 оролцогчийг тодруулан, үүний дараа “Miss world” апп-аар явуулсан “People`s choise” буюу үзэгчдийн саналаар шалгаруулсан миссийг сонгоход А.Баярцэцэг тэргүүлэн, шилдэг 11-т багтлаа. Энэ нь Монгол улсын хувьд түүхэн амжилт билээ.

Харин энэ жилийн дэлхийн миссээр Пуэрто-Рико улсын мисс Стефан дэл Валле тодорлоо.

Б.ГЭРЭЛ miss world