Б.Шижирбат: Мөнгө гол нь биш, намайг дэмжиж байгаа та нарын маань итгэл чухал

"Авьяаслаг Монголчууд 2016" шоу үзэгчдийг байлдан дагуулсан шилдэг шоу байж чадлаа. Тус шоу нь залуучуудын нууц авьяасыг нээж тэдэнд ташуур болж чадсан гэдэгтэй үзэгчид санал нэг байгаа биз ээ. Энэ жилийн шилдэг найман оролцогч өв тэгш авьяастай залуучууд байлаа. Өчигдөр цахим сүлжээнд Б.Шижирбатыг дэмжигчид их байсан бөгөөд шоу эхэлхээс өмнө түрүүлнэ гэдэгтээ фенүүд нь итгэлтэй байсан. Гэтэл үзэгчдийг байлдан дагуулж супэр ялагч болж 100 сая төгрөгийн эзэн болсон хүн бол О.Энх-Эрдэнэ.

Тэгвэл өнөө өглөө тус шоуны шилдэг оролцогч Б.Шижирбат өөрийн цахим хуудсаар дамжуулан хэлсэн сэтгэгдэлдээ "Ийм их итгэлийг алдсанд уучлаарай. Гэхдээ мөнгө гол нь биш, намайг дэмжиж байгаа та нарын маань итгэл чухал. Өрсөлдөгч маань мундаг байлаа. Өшөө илүү ирээдүй хүлээж байгаа. Баярлалаа та нартаа..." гэжээ.