Arslan.mn

Монгол Улсын Хөгжлийн банк Киргизстан Улсын Хөгжлийн банктай урт хугацааны, харилцан ашигтай хамтын ажиллагааг хөгжүүлэх зорилгоор “Хамтын ажиллагааны санамж бичиг” -ийг энэ сарын 28-ны өдөр байгууллаа.

Санамж бичгийн хүрээнд хоёр тал олон улсын санхүүгийн зах зээл дэх хамтын ажиллагааг өргөжүүлэх, эх үүсвэр татах болон төсөл хөтөлбөрийн санхүүжилт, банкны дижитал шилжилт, технологи, үйлчилгээг хөгжүүлэх чиглэлээр туршлага, мэдээлэл солилцож хамтран ажиллана.

Энэхүү санамж бичиг нь хоёр улсын хөгжлийн банк хоорондын хамтын ажиллагааг өргөжүүлэх, цаашдын төсөл, хөтөлбөрийг дэмжих суурь болохыг талууд онцоллоо.