Төрийн банк: “Эрүүл иргэн“ хадгаламжаа нээлгээд Туркийн эмнэлгүүдэд хөнгөлөлт эдлээрэй Төрийн банк: “Эрүүл иргэн“ хадгаламжаа нээлгээд Туркийн эмнэлгүүдэд хөнгөлөлт эдлээрэй
Сонгууль 2024 7 хоногийн тойм -22°C 2639.86 ₮
07 сарын 13, Бямба
Өнөөдөр

Arslan.mn

Төрийн банк: “Эрүүл иргэн“ хадгаламжаа нээлгээд Туркийн эмнэлгүүдэд хөнгөлөлт эдлээрэй

2023 оны 12 сарын 13

Arslan.mn

Дундаж давхаргыг дэмжигч Төрийн банк Бүгд Найрамдах Турк Улсын “Лив эмнэлэг”, “Монт бриж” эрүүл мэндийн аялал жуулчлалын компани болон “Эрүүл амьдралын жигүүр” ТББ-тай дөрвөн талт хамтран ажиллах санамж бичгийг үзэглэлээ. Тус дөрвөн талт санамж бичгийн хүрээнд Төрийн банкны “Эрүүл иргэн” хадгаламж, карттай харилцагчид Туркийн Лив эмнэлэгт урьдчилан сэргийлэх багц шинжилгээ болон эмчилгээнд орохдоо 10-20 хувийн хөнгөлөлтийг эдлэх боломжтой болж байгаа юм.  

Туркийн “Лив” эмнэлэгт жилд 182 орноос үйлчлүүлэгчид ирж үйлчлүүлдэг, 2 улсын 14 хотод байрлаж буй 28 салбараараа дамжуулан Европ тивийн хэмжээнд үйл ажиллагаагаа явуулдаг томоохон эмнэлэг  бөгөөд Төрийн банкны “Эрүүл иргэн хадгаламж”, “Эрүүл иргэн карт”-тай харилцагчид нь “Лив эмнэлэг”-ийн 10 төрлийн урьдчилсан шинжилгээний багцаас сонголтоо хийн түргэн шуурхай үйлчлүүлэн, үзлэг шинжилгээнд хамрагдах боломж бүрдэж байгаа юм. Үүнээс гадна тус тусгайлан гаргасан 10 төрлийн эрүүл мэндийн багцаас гадна “Эрүүл иргэн карт”-тай харилцагчид эрүүл мэндийн үйлчилгээг 10 хувийн хөнгөлөлттэй авах боломжтой.

Мөн Туркт Төрийн банкны харилцагчийг эмнэлгийн үйлчилгээнд хамрагдахад шаардлагатай мэдээллээр хангах, дэмжлэг үзүүлэх, эмнэлэгт үзүүлэх цаг товлох, эмнэлгийн үйлчилгээнд хяналт тавих, эмнэлгийн үйлчилгээний хариуг цахим шуудангаар илгээх, хөтчийн үйлчилгээ үзүүлэх юм байна.

Тус үйл ажиллагаанд Төрийн банкнаас Тэргүүн дэд захирал Д.Сугар, дэд захирал Х.Лхагвасүрэн, Бизнесийн бодлого, төлөвлөлтийн газрын захирал Б.Одбаясал нар оролцсон бол, Лив эмнэлгийн Гадаад харилцааны бизнесийн хөгжлийн удирдагч К.Жанера, “Монт бриж” эрүүл мэндийн аялал зуучлалын компанийн үүсгэн байгуулагч А.Фуркан болон “Эрүүл амьдралын жигүүр” ТББ-ын гүйцэтгэх захирал Б.Нандинзул нар биечлэн оролцож, эрүүл мэнд болон санхүүгийн чиглэлээр хоёр улсын хамтын ажиллагааг хөгжүүлэх эхлэлийг тавьж буйг талууд онцлов.

Төрийн банк нь “Эрүүл иргэн” хадгаламжийг 2022 онд зах зээлд нэвтрүүлсэн бөгөөд “Эрүүл иргэн”-тэй иргэд Монголын 4-р эмнэлэг, Сон медикал, Солонгосын Медичек оношилгооны төв, Саранплас эмнэлэг, КМI эмнэлэгт үзлэг, оношилгоонд ороход 30 хүртэл хувийн хөнгөлөлт эдлэх боломжтой юм.

Эрүүл иргэн хадгаламж болон картын талаарх дэлгэрэнгүй мэдээллийг 1800-1881 дугаараас авна уу. 

Дундаж давхаргыг дэмжигч Төрийн банк

 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
653418
0 эможи

Төрийн банк

Холбоотой мэдээ

keyboard_arrow_up