Arslan.mn

Хөгжлийн банкны гэх хэргийн шүүх хурал өнөөдөр 7 дахь өдрөө үргэлжилж байна.

Хөгжлийн банкны ахлах мэргэжилтэн асан н.Аззаяа "2017 оны 8, 9 дүгээр сард зээлийн эргэн төлөлтөд эрсдэл учруулж болзошгүй гэсэн дүгнэлт гарсан НВЦ ХХК-д 21 сая ам.долларын зээл олгохын өмнө зээлийг судалж, хуралд шаардлага хангасан мэтээр танилцуулж албаны чиг үүргийг хэрэгжүүлээгүй гэсэн үндэслэлээр эрүүгийн хэрэг үүсгэсэн.

Зээлийг судалж танилцуулах нь миний ажлын чиг үүрэг. Зээлийн шийдвэр гарснаас хойш сарын дараа 2017 оны 10 дугаар сард Ц.Баатарбилэг залган байгаа газарт чинь очъё гээд ирсэн. Ц.Баатарбилэг машиндаа оруулж суулган мөнгө өгөхийг завдсан. Хэдэн төгрөг байсныг би мэдэхгүй. Би "Ингэж болохгүй, дараа нь дахиж битгий ингээрэй" гэж хэлээд явсан. Гэтэл хэд хоногийн дараа дахиж зогсоо зайгүй олон удаа залгаад "Гараа ирээч" гээд байхаар нь гараад очтол цагаан цаасан тортой юм бариад "Бэлэг юм аа" гээд гарт бариулаад яваад өгчихсөн. Гадаа харанхуй хүйтэн байсан учраас хальт харахад оргилуун дарс байх шиг байсан, сарын дараа шинэ жил болох гэж байгаа учраас өгч байна гэж бодсон, сайн шалгаж үзэлгүй аваад орсон." гэв.