Өчигдөр буюу Баасан гарагт Apple компани iPhone 8, iPhone 8 Plus шинэ гар утаснуудаа эхний зах зээлүүдэд зарж эхэлсэн.

Гэвч энэ загварын эрэлт төдийлөн өндөр биш байгааг дэлхийн улс орнууд дахь борлуулалтын байдал харуулж байна. Зарим дэлгүүрүүдэд Apple-ийн ажилтнуудаас цөөн худалдан авагч цугларсан байгаа тухай мэдээлжээ.

Image result for iphone 8

Үүнд iPhone X-ийн хүлээлт нөлөөлж байгаа талаар хэвлэлүүд тайлбарлаж байна. iPhone-ийн 10 жилийн ойд зориулсан онцгой загвар болох iPhone X нь ирэх арваннэгдүгээр сард худалдаанд гарах юм. Хүлээлт ийм өндөр байгаа тул онцгой загварыг авахыг хүссэн хүмүүс он гартал шинэ утсаа барьж чадахгүй болж магадгүйг ажиглагчид бас хэлж байгаа.

Өчигдөр iPhone 8-ийг худалдан авсан нэлээд хүмүүс iPhone X-ийг гарсны дараа дахин сольж, хуучин утсаа худалдах, эсвэл гэр бүлийнхээ нэгэнд шилжүүлнэ гэж тайлбарлаж байгааг зарим хэвлэл мэдээлжээ.

Image result for iphone 8

Технологийн сэтгүүлч Лэнс Уланоф хүмүүсийн дунд санал асуулга явуулахад тэдний ихэнх нь iPhone X-ийг хүлээж байна гэж хариулсан байна.

Тиймээс iPhone X-ийн нөлөөнд iPhone 8-ийн борлуулалт дарагдах дүр зураг ажиглагдаж байна. Бүр “8”-ын тоог шүтдэг Хятадын зах зээл хүртэл iPhone 8-д төдийлөн хошуурахгүй, iPhone X-ийг хүлээсэн байдалтай байгаа юм.

Мөн зарим судлаачид хүмүүс iPhone X-ийг гартаа барьж үзсэнийхээ дараа аль загварыг нь худалдаж авахаа шийдэх гэж байгаа гэсэн таамаглал гаргасан байна.

Image result for iphone 8

iPhone 8 загварын ар тал нь шилэн хийцтэй болсноос өөр гадаад бүтцийн өөрчлөлтгүй, харин дотор талдаа A11 Bionic нэртэй хүчтэй процессорыг суулгаснаараа онцлог загвар юм.

Эх сурвалж: Mashable