Arslan.mn

БНСУ-д баасан гарагт “COVID-19” халдварын 107 шинэ тохиолдол илэрч, халдвар авсан нийт хүний тоо 8086-д хүрсэн байна.

Шинээр илэрсэн тохиолдлуудын 62 нь Дэгү хотод, 13 нь нийслэл Сөүлд, 15 нь Гёнгидо мужид, үлдсэн нь бусад бүс нутагт бүртгэгджээ.

Нас барсан тохиолдлын тоо 72 болсон бол 204 хүн эдгэрч, эмнэлгээс гарсан нийт хүний тоо 714 болсон байна.

Одоогийн байдлаар 17 634 хүний шинжилгээний хариу хүлээгдэж байгаа аж.