Arslan.mn

Шинэ төрлийн коронавирусний халдварын тархалт “Токио-2020” Олимп, Паралимпын наадмын хуваарьт нөлөөлөхгүй гэж уг наадмыг зохион байгуулах хорооны дарга Ёширо Мори пүрэв гарагт мэдэгдсэн байна.

Ё.Морийн хэлснээр " Токиогийн Олимпыг хойшлуулах эсвэл цуцлах бодолгүй байгаагаа дахин илэрхийлж байна. Уушгины хатгалгаа үүсгэгч шинэ төрлийн вирусний халдвараас үүдэлтэй аливаа асуудлыг зохицуулж, хариу арга хэмжээ авах чиглэлд Олимпын наадмыг зохион байгуулагчид Засгийн газартай хамтран ажиллана" гэжээ.

Япон улсад лхагва гарагийн байдлаар коронавирусний халдварын 203 тохиолдол бүртгэгдсэн байна.