Arslan.mn

БНСУ-ын Ерөнхийлөгч Мүн Жэ Ин АНУ-ын Ерөнхийлөгч Дональд Трамптай ирэх долоо хоногт Нью-Йорк хотноо уулзахаар болжээ.

Тодруулбал, БНСУ, АНУ-ын удирдагчдын хоёр талын ес дэх уулзалт НҮБ-ын Ерөнхий Ассамблейн чуулганы хүрээнд даваа гарагт болно гэж БНСУ-ын Ерөнхийлөгчийн нарийн бичиг Чой Жөн Кун мэдээлсэн байна. 

Уулзалтын үеэр Солонгосын хойгийг цөмийн зэвсгээс бүрэн ангижруулж, энх тайвныг цогцлоох чиглэлд хамтран ажиллах арга замын талаар хэлэлцэх ажээ.