Arslan.mn

ОХУ, Турк, Катар, БНХАУ-ын Төрийн тэргүүн нар бүс нутгийн энх тайван, аюулгүй байдлын асуудлыг хэлэлцлээ. Азид хамтын ажиллагаа, итгэлцлийг нэмэгдүүлэх CICA бага хурал өнгөрсөн баасан, бямба гарагт Тажикистаны нийслэл Душанбе хотноо болсон юм.

Энэ үеэр "ОХУ Азийн орнуудын аюулгүй, тогтвортой байдлыг сайжруулахад хөрш орнуудтайгаа хамтарч ажиллахад бэлэн" гэж ОХУ-ын Ерөнхийлөгч Владимир Путин мэдэгдлээ.

Мөн тэрбээр "Солонгосын хойгийн асуудлыг цэргийн хүчээр шийдвэрлэх саналыг дэмжихгүй" гэдгээ илэрхийлсэн байна. Харин Ираны талаас "Энх тайван, тогтвортой байдал, эдийн засгийн өсөлтийг хангахад хамтын ажиллагаа чухал" хэмээн онцолжээ.