Arslan.mn

АНУ-ын Ерөнхийлөгч Дональд Трамп Их Британид гурван өдрийн төрийн айлчлал хийхээр даваа гарагийн өглөө хүрэлцэн ирнэ.

Хатан хаан Элизавета Букингемийн ордонд даваа гарагийн орой Ерөнхийлөгч Д.Трамп, түүний гэргий Мелания Трамп нартай төрийн хүндэтгэлийн зоог барина. 

Харин Лхагва гарагт АНУ-ын Ерөнхийлөгч Нормандад холбоотны цэрэг буусны 75 жилийн ойг тохиолдуулан зохион байгуулах арга хэмжээнд оролцохоор Портсмут хотод зочлох ажээ. 

Дональд Трамп 2018 оны долдугаар сард Их Британид гурван өдрийн ажлын айлчлал хийсэн юм. Айлчлалынхаа үеэр тэрбээр Их Британийн Ерөнхий сайд Тереза Мэйтэй хэлэлцээ хийж, хатан хаан II Елизаветад бараалхсан билээ.