Та бүхэндээ 2014 оны супер туралтыг танилцуулж байгаадаа баяртай байна. Энэ бүсгүйг Эмма Сили гэдэг. Тэрбээр төрөл төрөгсдийнхөө гуйлтыг эсэргүүцэн өөрөө зүтгэсний хүчинд 127 кг хаяж чаджээ.

Эмма Сили турахаасаа өмнө. Энэ зураг дээр тэрбээр 181,5 кг жинтэй байсан.

Тэрбээр жин дээр зогсолгүй маш удсан бөгөөд нэг л өдөр өөрийгөө жинлэж үзээд ухаан алдах дөхжээ. Ингээд ямар нэгэн юм хийх ёстой гэдгээ гэнэт ухаарсан байна.

Харин Эммагийн төрөл төрөгсөд түүнийг улсын эмнэлэгт хандахыг зөвлөжээ. Хэрвээ тэр эмнэлэгт хандсан бол өөхөө соруулах мэс засалд орох боломжтой байлаа. Ийм мэс заслыг улсын хөтөлбөрийн хүрээнд татвар төлөгсдийн мөнгөөр хийдэг. Гэтэл энэ мөнгийг хэрэгцээтэй хүмүүст нь зарцуулбал хавьгүй дээр гэж бодсон Эмма бие даан турахаар сэтгэл шулууджээ.