Өндрөөс үсрэхийг завдсан хөгжлийн бэрхшээлтэй иргэнийг эсэн мэнд буулгажээ

Нийслэлийн Баянгол дүүргийн 17 дугаар хорооны “Элиганс Таун” хотхонд 12 давхар орон сууцны барилгын дээврээс хүн үсрэх гээд байна гэсэн дуудлагыг долдугаар сарын 23-ны өдрийн 16:58 цагт Онцгой байдлын ерөнхий газарт хүлээн авчээ.

Нийслэлийн Аврах ангийн алба хаагчид 17:14 цагт очиж, тухайн иргэнийг эсэн мэнд буулгаж, тус дүүрэг дэх Цагдаагийн 1 дүгээр хэлтсийн жижүүрийн бүрэлдэхүүнд шилжүүлэн өгсөн байна.

Эх сурвалжийн мэдээлснээр өндрөөс үсрэхийг завдсан иргэн нь Завхан аймгийн Тосонцэнгэл сумын харьяат хөгжлийн бэрхшээлтэй, 20 настай эрэгтэй байжээ.

Мэдээнд өгөх таны үнэлгээ?