Arslan.mn

Дээд шүүхийн хяналтын шатны эрүүгийн хэргийн шүүх хуралдаанаар УИХ-ын Г.Солтанд холбогдох хэргийг шүүгдэгч, түүний өмгөөлөгчдийн гаргасан гомдлын дагуу өчигдөр хэлэлцжээ. Улмаар анхан болон давж заалдах шатны шүүхийн шийдвэрийг хэвээр үлдээх шийдвэр гаргасан байна.

Баянзүрх дүүргийн Эрүүгийн хэргийн анхан шатны шүүх хэргийг өнгөрсөн долоодугаар сарын 29-нд хэлэлцээд Г.Солтаныг улс төрд нөлөө бүхий этгээд эрх мэдэл албан тушаалын байдлаа урвуулан ашиглаж, өөртөө давуу байдал бий болгох гэмт хэрэгт хатгагчаар оролцон үйлдсэн гэм буруутайд тооцож,  нийтийн албанд томилогдох эрхийг таван жилийн хугацаагаар хасч, гурван жил хорих ял оногдуулсан юм.

Мөн нийслэлийн Эрүүгийн хэргийн давж заалдах шатны шүүх уг хэргийг өнгөрсөн есдүгээр сарын 22-нд хянан хэлэлцээд, анхан шатны шүүхийн шийдвэрийг хэвээр үлдээсэн.