Arslan.mn

Үндэсний бөхийн салбар хорооноос Үндэсий Их баяр наадмын хүчит бөхийн барилдаанд шөвгөрсөн 16 бөхөөс авсан допингийн шинжилгээний хариуг мэдээлж байна.

Улсын харцага Б.Бат-Орших, Улсын аварга Н.Батсуурь, улсын арслан Р.Пүрэвдагва нар А сорьцын шинжилгээнүүдийг хүлээн зөвшөөрчээ.

Улсын аварга Н.Батсуурь, улсын арслан Р.Пүрэвдагва нар  хэвлэл мэдээллийн хэрэгслээр хүлээн зөвшөөрсөн бол Б.Бат-Орших албан бичгээр илэрхийлжээ. Ингэснээр Б сорьцыг хийлгэх шаардлагагүй болж байгаа юм.

Үндэсний бөхийн салбар хорооны дарга Б.Баасандорж "Есдүгээр сарын 8-нд Монголын допингийн эсрэг байгууллагаас 77 дугаартай албан бичиг ирсэн. Үүнд гурван бөхийн асуудал яригдсан. 

Тодруулбал,

• Улсын харцага Ө.Бат-Оршихоос Дэлхийн допингийн эсрэг агентлагаас гаргасан "Хориотой жагсаалт 2020"-д багтсан гурван төрлийн бодис,
• Улсын аварга Н.Батсууриас дээрх хориглосон жагсаалтад багтсан нэг төрлийн,
• Улсын арслан Р.Пүрэвдагваас хориглосон жагсаалтад багтсан гурван төрлийн бодис илэрсэн.

Ирэх 7 хоногт Үндэсний их баяр наадмын зохион байгуулалтын талаарх хэлэлцүүлгийг Шадар сайдын ивээл дор зохион байгуулна. Цаашид эдгээрийг мэргэжлийн спорт гэж үзэх үү эсвэл үндэсний баяр гэх үү гэдгийг тодорхойлно" гэв.

ШУУД ҮЗЭХ: