Arslan.mn

Чойбалсан хотын дулааны цахилгаан станцын өргөтгөлийн ажлыг Хятад, Монгол Улсын хөгжлийн банкны санхүүжилтээр хийхээр болж, Хятадын “ТВЕА” групп тендерт шалгарсан. Станцын өргөтгөлийн ажлыг БНХАУ-ын хөгжлийн банкны 70 гаруй сая ам.долларын зээлээр 10 жилийн хугацаанд эргэн төлөгдөх нөхцөлтэйгээр хийх аж.

Гүйцэтгэгч компани 18 сарын хугацаанд барьж ашиглалтад хүлээлгэн өгөхөөр төлөвлөсөн бөгөөд нийтдээ 250 гаруй хятад ажилчид ажиллуулна.

Эхний ээлжинд ирсэн 31 инженер, техникийн ажилчид ирсэн ба долдугаар сарын 22-нд Замын-Үүдийн хилийн боомтоор нэвтрэн, Дорнод аймагт хүргэгдэж, Чойбалсан зочид буудалд тусгаарлагджээ. Тусгаарлалтын 21 хоногийн хугацаа энэ сарын 12-нд дуусч ажилдаа орох юм байна. Эдгээр ажилчдаас коронавирусын халдвар илрээгүй байна.